Республикым вуйлатыше Кугыжаныш наградым кучыкташ Указым луктын

              Марий Эл Кугыжаныш Погыным вуйлатышылан орденым кучыктымо. Марий Элым вуйлатыше Александр Евстифеевын Указше почеш Марий Эл Кугыжаныш Погын вуйлатыше Анатолий Смирновлан «Марий Эл ончылно надырлан» икымше степенян орденым кучыктымо. Документыште палемдыме: Анатолий Смирновын шуко ий тыршен ыштыме пашажым да республикысе законодательствым вияҥдымаште надыржым тыге кӱкшын аклыме.
                 А историк да этнограф Никандр Поповлан «Марий Эл ончылно надырлан» орденын медальжым кучыктымо. Никандр Попов – историй шанче кандидат, МарНИИЯЛИ-н кугурак шанче пашаеҥже. Тудо 40 ий утла марий калыкын историй ден тӱвыражым, финн-угор калыкын этнографийжым шымла, экспедиций- влакым эртара. Никандр Семёнович 260 утла шанче, публицистике, тунемме-методик пашам савыктен луктын.
Фото: Марий Эл Кугыжаныш Погын