Шояк оксам шаркалышылан петырыме жапым ешареныт
Шояк оксам шаркалышылан петырыме жапым ешареныт. Россий рӱдӧ банкын банк билетшым шке ыштымылан да аралымылан уголовный паша шотышто аппеляционный представленийым шуктымо. Йошкар-Ола судын пунчалжым Марий Элын Верховный судшо вашталтен. Прокуратурын ончыктымыж почеш, кодшо ийын ноябрьыште Йошкар-Оласе суд 20 ияш рвезым шояк оксам шаркалыме да шаркалаш аралыме шотышто куд осал пашам ыштымыжлан титаканлан шотлен. Тудо июльышто интернет гоч налме вич тӱжем теҥгеаш шым кагаз оксам Моско гыч конден. Икымше гыч 17-ше август марте оксам тергыше детектор уке верлаште нине окса дене тӱлен да 30 тӱжем теҥге сдачым чын окса дене налын. Суд тудым ныл ий тергыме срок дене ныл ийлан условно эрык деч посна кодаш пунчалын. Верховный суд кугыжаныш титаклыше Марий Эл прокурорын алмаштышыжын апеляционный представленийжым шуктен да приговорым вашталтен. Рвезым шым осал пашам шуктышылан шотлымо да наказанийым ныл ий тергыме срок дене ныл ият кок тылзылан условно эрык деч посна колаш пунчалын.