Йошкар-Ола гыч лекме корно- влакым олмыкташ палемдыме

                   Шошым Йошкар-Ола гыч лекме корно- влакым олмыкташ тӱҥалыт. Йошкар-Ола администрацийын ола озанлык виктемже олмыктымо пашам шукташ электрон аукционым увертарен. Пашам тыгай корнылаште шукташ палемдыме: Оршанке шоссен Водопроводный урем деч ола округын чекше марте 680 метр кужытшым, Шернур корнын ик меҥгат 200 метржым, Санчурск трактын Западный урем деч олан чекше марте 250 метр кужытым, Серов уремыште Комсомольский ден Первомай урем марте ужашын 440 метр кужытшым. Олмыктымо пашалан окса республикын казнаж гыч ойыралтеш. Контрактын тӱҥалтыш акше 29 миллион утла теҥге. Паша икымше майыште тӱҥалшаш да икымше июльлан мучашлалтшаш.
Фото: yoshkarola.bezformata.com