Йоча- влаклан марла сценарий сборникым савыктен лукмо

              Йошкар-Олаште марий йылме дене йоча- влаклан «Изи мӧр пеледыш» сценарий сборникым савыктен луктыныт. Тудым Марий тӱвыра рӱдерын калык дене кылым ыштыме пӧлкажым вуйлатыше Раисия Николаева ямдылен. Сборникыш рӱдерын пашаеҥже- влакын да сценарий- влакын республикысе конкурсышто сеҥыше- влакын пашашт пурен. Конкурс республикын 100 ияш да Кугу Сеҥымашын 75 ияш лӱмгечыштлан пӧлеклалтын ыле. Книга кум ужаш гыч шога: «Йоча тӱня», «Пагалена, шарнена кугешнена» да «Йоча чонышто- марий йӱла». Савыктыш туныктышо, йоча театр студийлам вуйлатыше, ешартыш шинчымашым пуышо специалист- влаклан темлалтеш. «Изи мӧр пеледыш» 300 экземпляр дене лектын.