Йошкар-Олаште у автовокзал лиеш
Йошкар-Олаште автовокзалым чоҥаш тӱҥалыт да «Транспортым виктарымаш» автоматизированный увер системым уэмден пытарат. Калыкым шупшыктымашын лӱдыкшыдымылыкшым да качествыжым саемдаш манын, республикын правительствыже тӱрлӧ корно дене пашам виктара. Транспорт обслуживаний йодыш дене Марий Элым вуйлатыше Александр Евстифеев совещанийым эртарен. Марий Элым социал-экономик велым вияҥдыме индивидуал программе дене келшышын, Рӱдӧ олаштына у автовокзалым чоҥаш тӱҥалыт. Транспорт да корно озанлык министр Александр Герасименко каласен: чоҥымо кумдыкым рашемдыме, зданийын проектшым пеҥгыдемдыме да технический условийым налме. Тидымат ешарен: «Транспортым виктарымаш» автоматизированный увер системым шотыш кондымо лиеш. Системе кызытат кучылталтеш. Тушко пӱтынь троллейбус транспортым ушымо. Сандене коштмо графикым кузе шуктымым эскераш лиеш. Идалык мучаш марте тиде системыш эше посна шупшыктышо- влакын 100 автобусыштым ушаш палемдыме. Министрын мутшо почеш, системын тӱҥ задачыже- автотранспортын пашажым чарныде тергымаш да калыкым увертарымаш. Системым мучаш марте шотыш кондаш 925 тӱжем теҥге кӱлеш.
Системе почеш транспортын могай чарналтышыште улмыжо, интервалже, молан кучалтмыже нерген пален налаш лиеш. Тиде калыклан моткоч йӧнан. Тудо мобильный телефон гоч чыла эскерен кертеш. Транспорт министр тыгак кугыжаныш бюджет тӧнежым ышташ але «Республикысе автовокзал» предприятийым кугыжаныш бюджет тӧнежыш пужен ышташ темлен. Тидыже транспорт обслуживаний аланыште коммерциян але коммерцийдыме социал, виктарыме функций- влакым шукташ йӧным ышта манын. Республикым вуйлатыше тиде темлымаш дене келшен да чыла корно денат йодышым шымлен лекташ кӱлеш манын. Рӱдӧ оласе маршрутлаште порядкым ыштыман. Кызыт маршрут такси- влак икте-весыштлан. Троллейбус транспортлан пашам ышташ йӧндымылыкым луктыт. Тыште цивилизаций лийшаш манын. Тидымат ешарен: кызыт троллейбус паркым уэмдыме йодыш каҥашалтеш. Автовокзалым чоҥен шуктымеш, тиде йодыш дене совещаний- влак чӱчкыдын эртаралташ тӱҥалыт, - каласен Республикым вуйлатыше.
Системе почеш транспортын могай чарналтышыште улмыжо, интервалже, молан кучалтмыже нерген пален налаш лиеш. Тиде калыклан моткоч йӧнан. Тудо мобильный телефон гоч чыла эскерен кертеш. Транспорт министр тыгак кугыжаныш бюджет тӧнежым ышташ але «Республикысе автовокзал» предприятийым кугыжаныш бюджет тӧнежыш пужен ышташ темлен. Тидыже транспорт обслуживаний аланыште коммерциян але коммерцийдыме социал, виктарыме функций- влакым шукташ йӧным ышта манын. Республикым вуйлатыше тиде темлымаш дене келшен да чыла корно денат йодышым шымлен лекташ кӱлеш манын. Рӱдӧ оласе маршрутлаште порядкым ыштыман. Кызыт маршрут такси- влак икте-весыштлан. Троллейбус транспортлан пашам ышташ йӧндымылыкым луктыт. Тыште цивилизаций лийшаш манын. Тидымат ешарен: кызыт троллейбус паркым уэмдыме йодыш каҥашалтеш. Автовокзалым чоҥен шуктымеш, тиде йодыш дене совещаний- влак чӱчкыдын эртаралташ тӱҥалыт, - каласен Республикым вуйлатыше.