Округысо ече дене первенствыште Марий Эл гыч спортсмен той призёр лийын

                 Юл кундем округын ече дене первенствыштыже Марий Эл гыч Тигран Арутюнян той призёр лийын. 17-18 ияш ӱдыр-рвезе- влак коклаште округын первенствыже Татарстаныште эрта. «Виктория» спорт школын спортсменже Тигран Арутюнян 10 меҥгыш таҥасымаште кумшо лийын. Икымше вер деч 20 секундлан, кокымшо деч ик секундлан гына почеш кодын. Таҥасымаш 24-ше январь марте шуйна. Марий Эл гыч 8 спортсмен ӱчаша.
 Фото паблик Минспорта РМЭ.