Марий Элыште 14 миллион теҥгеаш пушеҥгым шолып руэныт
Марий Элыште 14 миллион теҥгеаш пушеҥгым шолып руэныт. Тений тидын шотышто 26 осал пашам рашемдыме, шолып руышо 19 еҥым пален налме. Прокурор- влак 18 уголовный пашам судыш колтеныт. Тушечын кок еҥлан штрафым тӱлыктымӧ, 4 еҥлан титаклыме приговорым лукмо. Кум уголовный паша дене чот ӧкынымылан кӧра, пашам мучашлыме, 10 еҥ шотышто следствий умбакыже шуйна. Нине осал паша дене 14 миллион теҥгелан эҥгекым кондымо. Тушечын 12 миллион наре теҥгежым тӱлыктымӧ.