Марий Элын пӱтынь историйжым пален налаш лиеш

Республикыштына «Марий Элын акрет жап гыч тачысе кече марте историйже» лӱман кок томан савыктышым лукташ палемдыме. Книган негызышкыже марий кундемын вияҥме тӱҥ йыжыҥже- влак, калыкше, тудын историйже, республикын вияҥмыже, самырык тукымым шочмо элым пагалыме шӱлышеш шуарыме йодыш- влак возыт. Тиде савыктыш Марий кундемын историйже нерген шинчымашым иктешлаш полшышаш. Кок томан книга сентябрьыште лектын шушаш.