Финанс грамотность шотышто олимпиаде мучашлалтын

Марий Элыште финанс грамотность шотышто Регион- влак кокласе кӱкшытан междисциплинарный олимпиаде мучашлалтын. Сеҥышыш Россий Правительстве пеленысе финанс университетын Пензысе филиалжын студентше- влак лектыныт. Киров оласе Вятка кугыжаныш университетын командыже кокымшо, Озаҥысе федерал университетын студентше- влак кумшо верыш лектыныт. Олимпиада 2017-ше ий годсек кажне ийын эртаралтеш. Тений шке шинчымашыштым 2-4-ше курслаште тунемше Киров, Пенза областьлан, Татарстан, Удмуртий, Чуваший да Марий Элын студентше- влак тергеныт. Олимпиадым Калыкле Банкын Марий Элысе пӧлкаже Юлтехын полшымо дене эртарен.