Черланыше- влакын чотышт шагалемаш тӱналын
Марий Элыште коронавирус дене черланыше- влакын чотышт шагалемаш тӱҥалын. Эртыше суткаште 31 еҥын чержым пеҥгыдемдыме. Чылаже тымарте кок тӱжемат 710 еҥын чержым рашемдыме. Кызыт 132 еҥ утларак черле. Тымарте кок тӱжемат 558 еҥ эмлалт лектын, 20 еҥ ӱмыр лугыч лийын. Россий мучко ик суткаште 7 тӱжемат 700 еҥын чержым пеҥгыдемдыме, ныл тӱжемат 705 еҥ эмлалт лектын, 95 еҥ колен.
Александр Евстифеев коронавирус дене кылдалтше икмыняр чарымашым лушкыдемден. Шуматкечын тудо «Республике кумдыкышто коронавирус дене кылдатше икмыняр чарымашым кораҥдыме нерген» Указым пеҥгыдемден. Тачысе кече гыч самоизоляций да уремыште коштмо нерген чарымаш кораҥдалтеш. Мутлан, йот элла да вес кундемла гыч толшо еҥ- влаклан толмышт нерген шокшо линийыш увертараш ок кӱл. Тыгак пӧртылмӧ деч вара мӧнгышто 14 кечым самоизоляцийыште лийман огыл. Тыгак 65 ияш деч кугурак- влаклан чарымаш кораҥдалтеш. Тидын годымак, республикыште утларак ямде улмо режим 29-ше июнь марте шуялтеш. Тудын дене келшышын, тӱшка, спорт, физкультура, каныме да веселитлыме, ончер, шинчымашым шарыше, рекламе да тӱшка мероприятий- влакым эртараш ок лий. Тыгак каныш паркыште, ужалкалыме каныш рӱдерлаште, аттракционлаште да калык погынымо верлаште чумыргаш ок лий. Тиде чарымаш сайлымаш да референдумым, йӱклымашым, Кугу Сеҥымашлан 75 ий темме лӱмеш мероприятий- влакым эртарымашым ок тӱкӧ. Тыгак тӱшка верлаште да чыла транспортышто кызытеш маске дене коштман.
Александр Евстифеев коронавирус дене кылдалтше икмыняр чарымашым лушкыдемден. Шуматкечын тудо «Республике кумдыкышто коронавирус дене кылдатше икмыняр чарымашым кораҥдыме нерген» Указым пеҥгыдемден. Тачысе кече гыч самоизоляций да уремыште коштмо нерген чарымаш кораҥдалтеш. Мутлан, йот элла да вес кундемла гыч толшо еҥ- влаклан толмышт нерген шокшо линийыш увертараш ок кӱл. Тыгак пӧртылмӧ деч вара мӧнгышто 14 кечым самоизоляцийыште лийман огыл. Тыгак 65 ияш деч кугурак- влаклан чарымаш кораҥдалтеш. Тидын годымак, республикыште утларак ямде улмо режим 29-ше июнь марте шуялтеш. Тудын дене келшышын, тӱшка, спорт, физкультура, каныме да веселитлыме, ончер, шинчымашым шарыше, рекламе да тӱшка мероприятий- влакым эртараш ок лий. Тыгак каныш паркыште, ужалкалыме каныш рӱдерлаште, аттракционлаште да калык погынымо верлаште чумыргаш ок лий. Тиде чарымаш сайлымаш да референдумым, йӱклымашым, Кугу Сеҥымашлан 75 ий темме лӱмеш мероприятий- влакым эртарымашым ок тӱкӧ. Тыгак тӱшка верлаште да чыла транспортышто кызытеш маске дене коштман.