Республикысе туныктымо тӧнеж- влак пандемий жапыште экзамен кампанийлан ямдылалтыт
Республикысе туныктымо тӧнеж- влак пандемий жапыште экзамен кампанийлан ямдылалтыт. Ковид-19 кугыжаныш иктешлыше аттестацийым эртарымашке шке вашталтышыже- влакым пуртен. Тений ГИА-9 ден ГИА-11 промежуточный аттестаций формат дене эртат да аттестацийын лектышыже семын шотлалтыт, тӱшка да кыдалаш шинчымашым налме нерген аттестацийым пуашлан негыз лийыт. ЕГЭ-м тений кӱшыл тунемме тӧнежыш пураш шонышо- влаклан гына эртарат. Экзамен кампаний Россий мучко да республикыштынат 3-шо июльышто тӱҥалеш. Марий Элыште ЕГЭ-м кум тӱжемат 86 еҥ куча. Тушечын кок тӱжемат 855 еҥже тений 11 классым тунем пытарен, 191-тыже ончычсо ийласе выпускник да эше икмыняр еҥ профессионал шинчымашым налше да моло кундемыште тунемше, но тыште илыше- влак улыт. 3-шо гыч 23-шо июнь марте эртыше тӱҥ жапыште экзаменым эртарыме 28 пунктым ыштыме ыштыме лиеш.