Марий Элыште 533 участковый сайлыме комиссий шке омсажым почын.
Округышто Россий мучко йӱклымашлан ямдылалтмаш кая. Марий Элым вуйлатыше Александр Евстифеев Россий Президентын Юл кундем округышто полномочный представительже Игорь Комаровын ныл субъектым- Марий Элым, Чувашийым, Угарман да Пенза областьлам вуйлатышышт дене эртарыме селектор саовещанийыште участвоватлен. Мутланымаш регион- влакын йӱклымашлан ямде улмышт нерген лийын. Полномочный представитель палемден: йӱклымаш раш да виш лийшаш. Еҥ- влак Конституцийыш пуртышаш вашталтыш нерген тичмаш уверым налшаш улыт. Игорь Комаров ушештарен: калыкын лӱдыкшыдымылыкшӧ эн ончылно шогышаш. Совещанийыште тыгак административный рӱдер ден кугу олалаште сайлыме участке- влакым видеофиксаций йӧн дене пойдарыме, эскерыше- влакым ямдылыме, «шокшо телефон линийым» ыштыме нерген ойлымо. Марий Элыште 533 участковый сайлыме комиссий шке омсажым почын. Нунылан аралыше средствым ситарыме, йӱклымӧ вер- влакым Роспотребнадзорын темлымашыж дене келшышын йӧнештарыме. Марий Элым вуйлатышын кӱштымыж почеш, сайлыме комиссийлан еҥыштлан- тидыже вич тӱжемат 300 еҥ, тестированийым эртарат. Тачысе кечылан тергымашым кум тӱжем утла еҥ эртен.