Йошкар-Олаште «Айдеме сарыште» ончер почылтын
Шарнымаш да ойганыме кечын Йошкар-Олаште «Айдеме сарыште» ончер почылтын. Теҥгече Республикысе тӱссымыктыш тоштерыште Кугу Сеҥымашлан 75 ий да Шранымаш да ойганыме кечылан пӧлеклалтше «Айдеме сарыште» ончер почылтын. Тудо ныл ужаш гыч шога: сарын тӱҥалмыже, кредалмаш, тыл да сар марий сӱретче- влакын шинчашт дене. Ончерыш Измаил Ефимовын, Зосим Лаврентьевын, Борис Тарелкинын, Евгений Ярановын радынаштым лукмо. Тиддеч посна залыште сар куралым, совет салтакын вургемжым, фотосӱретыштым ужаш лиеш. Мотор радына- влак деч посна ончерыште «Сеҥымашын салтакше» виртуал ончерым ямдылыме. Тӱҥ фотосӱретше- влакым Валерий Кузьминых Сеҥымашлан 60 ий темме деч ончыч ыштен. Тудо усталык группо дене пырля ветеран- влакын спискышт дене чыла районла мучко коштын савырнен.