Оласе пырдыжлаште сӱрет- влак ешаралтыт
Йошкар-Олаште шым у артобъект лийшаш. «Олан чияже- влак» проект кышкарыште Росмолодёжын полшымыж дене шым граффити сӱретым ыштат. Объект- влакым рашемдыме, сӱретче- влак сӱретлышаш пырдыжым тӧрлат, южо сӱретшым ыштенат шуктымо. Йошкар-Ола администрацийын увертарымыж почеш, нуно Воин-Интернационалист- влак, Комсомол, Пушкин, Эшкинин уремлаште да Ленин проспектыште лийшаш улыт. Чыла эскизым архитектура виктем да зданийлан озашт дене кутырен келыштарыме.