«Морко- Уньжинский» корнын лу меҥге кужытшым комиссий сайлан шотлен
Морко районышто олмыктымо 10 меҥге кужытан автомобиль корным кугыжаныш комиссий эксплуатацийыш налын. «Лӱдыкшыдымӧ да сай качестван автомобиль корно- влак» калыкле проект кышкарыште «Морко- Уньжинский» корнын лу меҥге кужытшым ыштыме. Контракт почеш корным олмыктышаш да тудым идалык мучко кучышаш улыт. Оксам 134 миллионат 280 тӱжем теҥгем ойырымо. Олмыктымо пашажлан 105 миллион утла теҥге каен. Проектлан оксам федерал бюджет ойырен. 2024-ше ий 31-ше декабрь марте корным кучаш регонысо казна 18 миллионат 400 утла тӱжем теҥгем ойыра. Чыла сомылым «Марий Эл Дорстрой» предприятий шуктен. Шартышым, корно тӱрым олмыктымо дене пырля корным кумдаҥден, кок остановкым, кок кӱварым олмыктымо да корно разметкым ыштыме.