Росгвардийын профилян классыштыже тунемше- влак торжественно присягым приниматленыт

Тений сентябрьыште Марий Элыштына национальный гвардий войскан икымше классше- влак почылтыныт. Теҥгече Йошкар-Оласе 14-ше гимназийыште Росгвардийын профилян классыштыже тунемше- влак торжественно присягым приниматленыт. Мероприятий Российын Кугыжаныш тистыжым, Росгвардийын флагшым, гимназийын знамяжым торжественно пуртымо гыч тӱҥалын. Ӱдыр-рвезе- влаклан сугыньлымаш шомакым гимназийын директоржо Вячеслав Цепелев ден Росгвардий виктемым вуйлатышын алмаштышыже полковник Рамиль Аюпов ойленыт. Росгвардийын 25 самырык кадетше 7-ше классым тунем пытарыме деч вара пеҥгыде ойыркалымашым эртеныт. Товатлен ойлымаште ӱдыр-рвезе- влак йӱлам аклаш, сай койышым шуараш, Ачамландылан ӱшанлын служитлаш шонымашым каласеныт.