Йошкар-Олаште ийготыш шудымо 30 йочам йӱдым коштмылан кучымо
Кодшо каныш кечылаште полиций пашаеҥ- влак «Йӱд олаште йоча- влак» акций кышкарыште тергымаш дене коштыныт. Тыге оласе уремлаште да тӱшка верлаште йӱдым кугыеҥ деч посна коштшо ийготыш шудымо 30 еҥым кученыт. Республике мучко профилактике мероприятийлаште полицийын 100 утла пашаеҥже да профилактике системын 35 еҥже пашам ыштат. Мероприятий жапыште нуно самырык- влакын погынымо 260 утла верым тергеныт. Тиде школ стадион, бульвар, тӱшкагудо. Каныме да ужалкалыме вер- влак. 32 ача-авалан шке порысыштым кӱлеш семын шуктыдымылан административный протоколым возеныт. Статистике почеш шуко осал паша лач йӱдым ышталтеш. Сандене «Комендант шагатым» ийготыш шудымо- влакым осал паша деч арален кодаш манын ыштыме.