Куженер кундемысе яллаште пӱя серым «тӱредыныт»
Куженер районысо калык шке кундемжым тӱзатымашке чумыр ушнен мошта. Пондашсола ялысе калык товар да бензопилам кучен, староста Евгений Липинын вуйлатымыж почеш, верысе пӱя серым кушкыл да пушеҥге деч эрыкташ лектын. Тиде сомыл икте гына огыл. Тумьюмучаш ялыштат пӱя серым моторын тӱред шынденыт. Пӧръеҥ- влак икмыняр кече арама да нӧлпым пӱчкеденыт. Тиде кушкыл пӱям купыш савыраш тӱҥалын улмаш. Тыштат староста Валерий Петухов чолгалыкым ончыктен. Тысе пӱям эрыктымашын тиде икымше ужашыже гына. Кызыт пӱям «комбо йолын вонча» манаш лиеш. Сандене йошкыным эрыктен, келгемдаш шонат. Адакшым тиде пӱя тул ваштареш кучылтшаш вӱдым аралыше вер семын шотлалтеш. Тыге верысе калык кӱлеш годым чумырген, тӱшка пашам шуктен кертмыжым ончыктен.