Чакмарийыште эҥерысе судным вӱдаш сайын туныктат
Ноябрь мучашыште Угарман областьысе Городец оласе Губернский колледжын ресурс рӱдерыштыже икымше гана «Самырык профессионал- влак» визымше регионысо чемпионат эртен. Тудо «Эҥерыште коштшо грузовой транспортым кучылтмаш» специальность дене лийын. Тушто куд экипаж таҥасен. Звенигово вел Чакмарийысе транспортно-энергетик техникумыштат тиде специальность дене туныктат. Сандене тушто тунемше-влаклан тиде чемпионат шке моштымашым ончыкташ сай йӧн лийын. Республикын да техникумын чапшым 22-шо группышто тунемше- влак Александр Наумов ден Максим Вахрушев араленыт. Кум кече жапыште нуно конкурсын тӱрлӧ заданийжым шуктеныт. Тушто погымо баллыштым шотыш налын, Александр ден Максим кумшо верыш лектыныт. Тиде пеш сай лектыш. Молан манаш гын, тиде компетенцийыште техникум икымше гана участвоватлен.