Марий да чуваш- влак нерген книган презентацийже лиеш

Эрла 14 шагатлан МарНИИЯЛИ-ште марий да чуваш- влак нерген книган презентацийже лиеш. Тений кеҥежым Чувашийысе Кугу Сундырь ден Курык марий районысо Кулаково ялыште эртыше регион- влак кокласе шанче-практик конференцийын материалже негызеш лукмо савыктыш «Чуваш ден марий- влак- тӱшка пӧртыштӧ пошкудо- шамыч» лӱмым налын. Сборникын ойыртемже- кок кундемысе шанчыеҥ- обществовед- влак икымше гана кок калыкын илыш да социал ойыртемжым, йылме шотышто вашкылым, марий ден чувашын тӱвыраштыже икгайлыкым таҥастарен, шанче пашам ыштен луктыныт. Презентацийыште шымлымашын лектышыже да у шымлыме задаче- влакым палемдаш тӱҥалыт. Тыгак кок кундемысе шанчыеҥ- влак вашла опыт дене палдарат.