Морко районышто илыше 7 тулык икшыве шке илеман лийын

Морко районышто илыше тулык икшыве- влак У ий пайрем вашеш сай пӧлекым налыныт. Куд еҥлан у пачер деч сравочым кучыктеныт. Кызыт район мучко 78 икшыве черетыште шоген. 2014-ше ий гыч 25 еҥлан илыме верым пуымо. Тений 7 еҥ пачеран лийын, иктыже изиш ондакырак налын. Нуно чыла шотыштат йӧнан пачерыште илаш тӱҥалыт. Тидлан лӱмын посёлкысо ондаксе ик административный оралтым келыштареныт. Ик комнатан почерыш кызытак илаш пураш лиеш. Тыште тӱрыс сантехникым, газ плитам шогалтыме. Пӧлемлам ырыкташ посна газ котёлым вераҥдыме. Закон дене келшышын, пачерым кызытеш вич ийлан социал найм почеш пуымо. Тиде жап эртымек, илемын озаже тудым шке ӱмбакыже приватизироватлен але ужален-вашталтен кертеш.