Федераций Советыште «Марий Элым вияҥдаш кугыжаныш велым полыш» пунчалым шуктымашым иктешлыме
Федераций Советын федеративный устройство, регионысо политике, верысе самоуправлений да Йӱдвелын пашаж шотышто Комитетын заседанийыштыже «Марий Элым вияҥдаш кугыжаныш велым полыш» пунчалым шуктымашым иктешлыме. Александр Евстифеевын мутшо почеш, пунчалын ик пунктшат шукталтде кодын огыл. Лач шуко жапым йодшо йодыш- влак веле пашаште улыт. Ик тыгай пашалан Перинатал рӱдерым чоҥымаш шотлалтеш. Тудым шушаш ийын чоҥаш тӱҥалаш палемдыме. Аэропортын чоҥештен кӱзымӧ да волен шичме полосажым пужен ыштыме йодышымат каҥашыме. Тудым Валентина Матвиенко шке контрольыштыжо куча. Тиддеч посна погынымаште тӱвыра объект- влакым пужен ыштыме, коллектор ден очистной сооружений- влакым чоҥымо, психоневрологий диспансерым нӧлтымӧ, гособоронзаказым кугемдыме, Йошкар-Ола- Угарман корным федерал погыш кусарыме йодыш- влакым лончылымо. Заседаний деч вара Республикым вуйлатыше Федераций Советын холлыштыжо вераҥдыме выставкым ончен. Тудо Марий Элыште шочшо Марк Евтюхинын вуйлатыме 6-шо ротын десантникше- влакын подвигыштлан пӧлеклалтын.