«Илышын эҥерже» акцийыш ушнаш ӱжыт
Йошкар-Олаште республикысе мер-политик рӱдер ончылно шуматкечын, 14-ше декабрьыште «Илышын эҥерже» акций эрта. Тушто шке кумылын вӱрым пуышо- влаклан мобильный станций шогаш тӱналеш. Кужу у ий пайрем каныш вӱрым налме да пуымо станцийлан неле пагыт: вӱр шапашым ямдылаш кӱлеш. Добровольный донор- влакым 14-ше декабрьыште 9 гыч 11 шагат марте вучат. Адресше : Гагарин проспект, 8-ше пӧрт. Пелен паспорт лийшаш.