Марий Элыште футболым тӱҥ спорт радамыш пурташ темлат
Марий Элыште базовыйлан шотлалтше спорт- влакым ешараш шонат. Республикысе самырык политке, спорт да туризм министерстве спортын базовый видше радамышке футболым пурташ темла. Тыгай ой дене Российын спорт министерствышкыже лекташ шонымаш уло, - каласен спорт-туризм министр Лидия Батюкова. Тидлан республикын 1-ше разрядан атлетше- влак ситышын улыт. Футбол тиде радамыш пура гын, тудым вияҥдаш федерал субсидий ойыралташ тӱҥалеш. Калыкын йӧратыме тиде модыш базовый радамыште лийшаш, -каласен миинстр. Кызыт республикыштына тӱҥлан спорт гимнастике, регби, ече дене таҥасымаш, иймаш, куштылго атлетике да начар ужшо- влакын спортышт шотлалтыт.