Школлаште у тунемме идалыкым вучат

Кызыт республикысе школ- влакым у тунемме ийлан ямдылыме паша кая. Нуным икымше август гыч приниматлаш тӱналыт. Школ пеленысе лагерьлаште пашам мучашлымеке, олмыктымо пашам вигак тӱналме. Мутлан,  Йошкар- Оласе 4-ше номеран Пушкин лӱмеш гимназийыште спортзалыште кӱварым олмыктат, кокымшо школышто леведышым да цокольым ачалат, 6-шо школышто спортзалын вургемым вашталтен чийыме верыштыже, мастерской ден тошкалтыш маршыште пырдыж ден тувырашым тӧрлат, 11-ше лицей ден 19-ше школышто  тӱҥалтыш класслан кабинетылаштыже паша кая, 15-ше школышто тувыраш дене пожар сигнализацийым ыштыме, 24-ше ден Семёновкысо школышто линолеумым вашталтат. Олмыктымо да чоҥымо пашан кугытшо вич миллионат 860 тӱжем теҥгеш шуэш.