Марий Элысе тунемше- влак «Гардеец» лагерьыште тиде гана нылымше вер дене серлагеныт

Угарман областьыште Юнармийын «Гвардеец» оборонно-спорт лагерьыштыже кокымшо смене мучашлалтын. Тушко Юл кундем округ гыч тунемше- влак погыненыт ыле. 18 кече шуйнышо сменыште военный да спорт ямдылалтмашым округысо чыла кундем гыч 10-11-ше класслаште тунемше 360 еҥ эртен. Нуно боевой, строевой, физический ямдылалтмаш дене мастарлыкшытым шуареныт, военный специальность- влак дене шинчымашыштым пеҥгыдемденыт. Лагерьын лектышыже почеш участник- влак «Юнармий» толкыныш пуреныт. Кокымшо сменыште сеҥышыш Удмурт кадет корпус лектын. Кокымшышто- Киров областьын, кумшышто Угарман областьын командыже улыт. Марий Элын командыже тиде гана нылымше верым налын.