Спартакиадын кудымшо кечыже Марий Эллан 13 медальым конден.

Инвалид-влакын Российысе спартакиадыштышт теҥгечысе кече кузерак эртыш? Спортсмен-влак шке куатышт да кумылышт дене умбакыже ӧрыктарат. Марий Элын медаль чондайже кум награде дене пойдаралтын. Ийше- влак шӧртно да ший медальым налыныт. Михаил Чижиков эрыкан йӧн дене иймаште шӧртьым сеҥен налын, а Полина Желонкина брасс йӧн дене ийын да ший призёр лийын. Тиддеч посна куштылго атлет- влакат куандареныт. Светлана Назарова ПОДА спортышто куштылго атлетике дене шӧртньӧ медаль дене палемдылтын. Тыге марий спортсмен- влакын 13 медальышт уло: вич шӧртньӧ, кок ший да 6 той медаль. Теҥгече куштылго атлетике, ӱстембал теннис да иймаш дене 40 комплект медаль верч кучедалыныт. Таҥасымаш- влак умбакыже чолган шуйнат. Команде шот дене ончалаш гын,  Моско олан, Свердловск областьын да Башкортостанын командышт ончылно улыт. Таче спортсмен- влак футбол, куштылго атлетике, бочча, ӱстембал теннис, иймаш да голбол дене таҥасат. Касым У Торъял, Курык марий да Юрино районлан артистышт чапле концерт дене сӧрастарат.