Шой Шӱдымарий ден Ирмарий калык корным вучен шукта, очыни
Общероссийский калык фронтын чолга еҥже- влак Куженер районысо Йырмарий ял марте кум меҥге кужытан корным чоҥымо пашам терген шогаш тӱҥалыт. Рейдыш лекме годым, игечылан кӧра, тиде корным икымше сентябрь марте ыштен огыт шукто манын лӱдыкшӧ лектын. 2017-ше ийын майыште ОНФ-ын еҥже- влак Шой Шӱдымарий- Ирмарий корным чоҥымо пашам виктарен колтымашке ушненыт ыле. Тунам тудо «Пытыше корно- влак» манме интерактивный картыш пурталтын. 2018-ше ийыште корным ышташ 49 миллион теҥге оксам ойырымо. Кызыт корнылан рокым нӧлтымӧ, пел кужытышто геотекстильым пыштыме да ошмам шарыме. Ынде икмыняр пачаш тыгыде кӱм оптыман. Район администраций, содыки, 1-ше сентябрьлан корным ыштен шукташ ӱшаным куча. Вара кугорныш лекташ йӧн лиеш да школ маршрут денат автобус кошташ тӱналеш.