«Эрвий» кинотеатр шарналташ веле кодеш, очыни…
Йошкар- Оласе калык ужын: шке жапыштыже чапланыше «Эрвий» кинотеатр кундемым савар дене авырат. Йошкар- Ола администрацийын увертарымыж почеш, тиде мланде ужаш да зданий посна озан кидыштыже улыт. Сандене тиде оза деч кинотеатрын пӱрымашыже шога. Тудым кораҥденат кертыт. Кинотеатрым пашаш колташ тыршымаш ыле. Вич ий ончыч тушто реконструкцийым ыштыме. Но 2016-шо ийыште, содыки, петырышт. Озан парымже кугун погынымлан кӧра, тудым ужалымашке лукмо. Тыге тиде кундемым да оралтым Медведево ПМК налын. Ынде тудым рончен, илыме пӧртым чоҥаш шонат.
