Екатерина Смирнова Россий Кубкын финалыштыже икымше верыш лектын
Россий кубкын финалыштыже Марий Эл гыч ечызе 10 меҥгыш таҥасымаште сеҥышыш лектын. Ече дене Российын сборный командыже радамыште таҥасыше Екатерина Смирнова элнан кубокшо верч финал таҥасымаште икымше верым сеҥен налын. Таҥасымаш- влак Архангельск областьыште эртат. Ечызе- влак икымше март марте таҥасат. Лу меҥге кужытыш эрыкан йӧн дене куржмаште Еатерина икымше толын. Туддеч куд секундлан Хант-Манси автоном округ гыч Алена Перевозчикова вараш кодын, Сахалин область гыч Марина Черноусовалан кумшо вер логалын. Смирнова Российын сборныйжо радамыштак тӱнян кубокшын йыжыҥыштыже Финляндийысе Лахти олаште таҥасаш тӱҥалеш. Вара тӱнян кубкышкыжо Норвегийыш кая. Тиддеч вара Российын чемпионатшылан ямдылалташ тӱҥалеш. Тудыжо Тюменьыште 27-ше март гыч 5-ше апрель марте эрта.