Яра кийыше мландым уэш кучылташ тӱҥалмаш илыме верым чоҥымо пашам кугемдаш полша
Марий Элыште яра кийыше мландым уэш кучылташ тӱҥалмаш илыме верым чоҥымо пашам кугемдаш полша. Теҥгече Марий Элым вуйлатыше Александр Евстифеев мланде да пого йодыш дене совещанийым эртарен. Федерал регистраций службо виктемым вуйлатыше Елена Галеева палемден: кодшо ийын республикым вуйлатыше кусараш лийдыме пого шотышто единый кугыжаныш реестрыш тичмаш да у уверым ешарен шогымо шотышто паша планым пеҥгыдемден. Кызыт каласаш лиеш: тудын икымше подпроектше тӱрыс шукталтын. Кадастр учетыш мланде участкым да кусараш лийдыме погым шогалтымаш налог парышым ешараш, мландылан правам возыктымо пашам куштылемдаш, мланде законодательствым пудртымашым кораҥдаш, мланде шотышто ӱчашымашым шагалемдаш полша. Республикыште илыме верым чоҥымаш ешаралт толеш. Темпым иземдаш огыл манын, илыме верым чоҥышаш мланде ужаш- влак оборотыш пурталтыт. Тиде йодышым виктараш оперативный штабым ыштыме. Кызыт 179 гектарыш погынышо 22 мланде участкым рашемдыме да отчёт формыш пуртымо.- каласен Елена Галеева. Пытартыш жапыште верысе смаоуправлений орган- влак документым электрон йӧн дене утларак колтат. 2023-шо ий икымше январь гыч лач электрон йӧн дене гына колтыман лиеш. Сандене тиде пашам вияҥден колтыман. Республикым вуйлатыше финанс министерствылан бюджетым палемдыме годым мланде да пого дене кылдалтше йодышым виктарен колташ кӱлеш роскотым шотлен ончылгоч палемдаш кӱштен.