Идалык мучаш марте Йошкар-Олаште илыше 190 еҥ илаш йӧрыдымӧ пӧртла гыч у пачерыш илаш кусна
Идалык мучаш марте Йошкар-Олаште илыше 190 еҥ илаш йӧрыдымӧ пӧртла гыч у пачерыш илаш кусна. Марий Элыште «Илыме вер да оласе кумдык» калыкле проект кышкарыште тошто пӧртла гыч калыкым кусарыме программе умбакыже шыҥдаралтеш. Йошкар-Олаште кызыт «Мирный» микрорайонысо Петров уремыште шуко пачеран пӧртым чоҥен пытарат. Лу пачашан пӧртыштӧ 190 еҥым кусараш пачер- влакым палемдыме. Пӧртым эксплуатацийыш икымше декабрьлан налшаш улыт. Пӧлемлаште отделкым ыштыме, пӧрт воктене йоча площадке, транспортлан парковко лиеш. Чоҥымаш министерствын увертарымыж почеш, программе кышкарыште 2020-шо ий мучашыште 16 аварийный пӧрт гыч еҥ- влак пачерым налыныт ыле. Рӱдӧ олаште 2023-шо ий мучаш марте чылаже 63 шуко пачеран аварийный пӧрт гыч тӱжемат 600 еҥым кусараш палемдыме.