Волжский районышто кок социал кӱлешан объектым чоҥен шуктымо
Волжский районышто калыкле проект- влакым шыҥдарыме кышкарыште кок социал кӱлешан объектым чоҥен шуктымо. Тиде- Памар-Коркатово корным капитально олымктымо да Учимсола ялыште у ФАП-ым чоҥымо. Ачалыме корнын кужытшо 10 меҥгыш шуын, акше 125 миллион наре теҥге лийын. Тушто асфальтым шарыме, корно тӱрым тыгыде кӱ дене пеҥгыдемдыме, вӱд йогымо пучым, автопавильоным ачалыме. Кызыт разметкым ыштат. Паша график почеш шукталтеш да тызе мучашлан ыштен шукталтшаш. Тиде корным калык шукертсек вучен. Транспорт да корно озанлык министр Александр Герасименкон мутшо почеш, тиде корным пӱтынек ыштен шукташ 480 миллион теҥгем пыштыме. Тиде корно 6 илемым ушен шога.
Республикым вуйлатыше тыгак Учимсоласе у фельдшер-акушер пунктым ончен. Тудым «Республикысе тазалык аралтышын тӱҥалтыш звеножым уэмдымаш» регионысо программе кышкарыште ыштыме. Тӱрысе ямдылен шукташ шым миллионат 500 тӱжем теҥге оксам кучылтмо. ФАП октябрь гыч вич ялысе 520 еҥлан полышым пуаш тӱҥалеш. Тушко Учимсола, Кожласола, Ӱлылсола, Курыктӱр, Шӱргыял гыч калык кошташ тӱҥалеш. Республикым вуйлатыше у медицина тӧнежым кӱкшын аклен. Район администрацийым вуйлатыше Татьяна Ильинан мутшо почеш, пытартыш жапыште районышто куд ФАП-ым почмо. Александр Евстифеев республикысе тазалыкаралтыш министервын чаткан пашам ыштымыжлан тауштен ойлен.
Республикым вуйлатыше тыгак Учимсоласе у фельдшер-акушер пунктым ончен. Тудым «Республикысе тазалык аралтышын тӱҥалтыш звеножым уэмдымаш» регионысо программе кышкарыште ыштыме. Тӱрысе ямдылен шукташ шым миллионат 500 тӱжем теҥге оксам кучылтмо. ФАП октябрь гыч вич ялысе 520 еҥлан полышым пуаш тӱҥалеш. Тушко Учимсола, Кожласола, Ӱлылсола, Курыктӱр, Шӱргыял гыч калык кошташ тӱҥалеш. Республикым вуйлатыше у медицина тӧнежым кӱкшын аклен. Район администрацийым вуйлатыше Татьяна Ильинан мутшо почеш, пытартыш жапыште районышто куд ФАП-ым почмо. Александр Евстифеев республикысе тазалыкаралтыш министервын чаткан пашам ыштымыжлан тауштен ойлен.