Марий Элым вуйлатыше Марбумкомбинатын пашаеҥже- влаклан наградым кучыктен
Марий Элым вуйлатыше Марбумкомбинатын пашаеҥже- влаклан наградым кучыктен. Чодыра да чодыра промышленностьышто тыршыше- влакын да Марий целлюлоз-кагаз комбинатын кечышт вашеш «Марий целлюлоз-кагаз комбинатын Тӱвыра полатыштыже торжественный мероприятий эртен. Комбинатын пашаеҥже- влакым Марий Элым вуйлатыше Александр Евстифеев саламлен. Марбумкомбинат Российысе ончыл предприятий- влак коклаште кӱкшӧ верым айла. Тудо пушеҥгым тӱҥалтыш гыч мучаш марте перерабатыватла, 300 тӱжем тонн продукцийым луктеш. Кодшо ийын гына 8 миллиардат 500 миллион теҥгеаш продукцийым ыштен луктын. Предприятий чарныде вияҥ толеш. Кодшо ийын гына материально технический базым вияҥдаш ик миллиард утла теҥе оксам кучылтын.- каласен Александр Евстифеев. Комбинатлан 87 ий темеш. Мучашлан Александр Евстифеев чылалан тазалыкым, улан илышым, пашаште сеҥымаш- влакым тыланен да сулен налме наградым кучыктен. Генеральный директорын юрист йодыш дене алмаштышыже Люция Шенфельдлан «Марий Элын сулло юристше» Чап лӱмым пуымо. Правительствын чап грамотыжым машинист Андрей Адаев, транспортировщик Евгений Илюхин, олмыктымо цехым вуйлатыше Александр Сергеев, тӱҥ инженерын алмаштышыже Павел Тимофеев, тӱҥ энергетикын алмаштышыже Наиль Фасыков налыныт. Ныл еҥлан Республикым вуйлатышын тауштымашыжым увертарыме.