Санитар-эпидемиологий службын кечыже палемдалтеш

            Таче санитар-эпидемиологий службын кечыже палемдалтеш. Роспотребнадзорын республикысе виктемыштыже тыршыше пашаеҥ да тудын ветеранже- влакым Республикым вуйлатыше Александр Евстифеев саламла. Айдемын тазалыкше верч тыршыме сомылым шуктышо структурым 99 ий ончыч ыштыме. Ынде ятыр ий федерал служба шке кӱлешан пашажым достойно шуктен толеш. Тендан профессионализмда, пашам йӧратымыда, ответственностьда республикыште эпидемиологий сӱретым терген шогаш, калыкын интересшым аралаш полша. 2020-шо ийыште кугу лӱдыкшӧ лектын- Ковид шарлен. Кӱчык жапыште шымлымашым эртараш тӱҥал кертме. Санитар врач, эпидемиолог, лаборант да моло специалист- влакын устан шуктымо пашаштлан кӧра лӱдыко вируслан утыж дене шарлаш чаракым ыштыме да ситуацийым тӧремдыме. Кызыт тӱшка иммунитетым ышташ да пандемийым сеҥаш кӱлеш. Правительстве лӱм дене чылалан тазалыкым, сеҥымашым да улан илышым тыланем, - олйлалтеш республикым вуйлатышын саламлымашыштыже.