«Тукымвож йоҥгалтыш» калыкле фестиваль лиеш
Марий Элыште «Тукымвож йоҥгалтыш» калыкле фестиваль лиеш. Советский посёлкышто нылымше июньын самырык- влакын калыкле усталык коллективыштын Республике кӱкшытан 4-ше «Тукымвож йоҥгалтыш» фестивальышт эрта. Тушко самырык- влакын усталык коллективышт, тӱвыра да каныме тӧнеж да моло ведомствын мурышо да куштышо ансамбль- влак, фольклор, мурышо, инструментал ансамбльышт- влак ушнат. Мурымо, куштымо, шоктымо программе деч посна фестивальыште «Кудо-2022», «Шокто, шокто гармонетым» номинаций дене выступлений- влак, кид-паша мастарлыкым ончыктымо да ужалкалыме ончер-ярминга лиеш. Йоча- влаклан модмо площадке- влак пашам ыштат. Фестиваль 12 шагатат 30 минутлан тӱҥалеш.