Москосо академийым тунем пытарыше ӱдырым Шернурысо межрайонный следствий пӧлкаш пашаш налме

Москосо академийым тунем пытарыше ӱдырым Шернурысо межрайонный следствий пӧлкаш пашаш налме. Республикысе следствий виктемыште «Россий Федерацийысе Следствий комитетын Москосо академийжым» тунем пытарышым пашаш налме торжественный мероприятий эртен. Выпускница Шернурысо пӧлкаште следовательлан пашам ышташ тӱҥалеш. Тудым акадмийын магистратурышкыжо тунемаш колтымо ыле. Сайын тунем пытарен, шочмо кундемышкыже пӧртылын. Следствий виктемым вуйлатыше Александр Мигушов поро сугыньым ойлен да служебный удостоверенийым кучыктен. Тидын годымак у следователь товатлыме мутым ойлен. Видеоконференц кыл йӧн дене самырык специалистым Российысе Следствий комитетым вуйлатыше Александр Бастрыкин да акадмийын ректоржын сомылым шуктышо Дмитрий Кожухарик саламленыт, Москосо кугыжаныш консерваторийын выпускницыже- влак балладым мурен ончыктеныт.