У тунемме ийыште вузлаште маске дене коштмаш обязательный йодмаш лиеш

Российысе шанче да кӱшыл образований министр Валерий Фальков Российысе вузлан ректорышт дене онлайн-совещанийым эртарен. Тушто туныктымо тӧнеж- влакым у тунемме ийлан ямдылыме йодышым каҥашыме. Министр икымняр вашталтыш нерген увертарен. У тунемме ийыште маске дене коштмаш обязательный йодмаш лиеш. Тидым студентат, туныктышо- влакат шуктышаш улыт. Тидымат ешарен: кӧн вирус деке антителаже улмым пеҥгыдемдыме гын, маске деч посна коштын кертыт. Но тидлан справкым кондыман. Лекцийым лудмо годым туныктышо-влак маскым кораҥден кертыт. Маскым университет- влак шке ситарышаш улыт. Эше ик у йодмаш: вузышто температурым висаш тӱҥалыт. Сандене тунемме корпуслашке пурымо годым чыла вереат термометр лийшаш. Аудиторийлаште южым дезинфицироватлыше прибор- влак лийшаш улыт. Йот эл  студент- влак Российыш толын шумеке, 14 кечаш карантиным эртышаш да толмеке 10 кече гыч вируслан тестым сдатлышаш  улыт. Тунемаш тӱҥалме жапым вуз- влак шке палемдат.