6 ияш ӱдыр Российысе конкурсышто сеҥышыш лектын
Марий Эл гыч изи ӱдыр «Турлӧ тӱсан чӱчалтыш- 2020» конкурсышто сеҥышыш лектын. Российысе пӱртӱс министерстве тений шошым йоча сӱретлан конкурсым увертарен ыле. Тушко элысе 66 кундем, тыгак Казахстан, Белоруссий, Украина, Турций, Китай да Италий гыч 8 тӱжем утла паша пурен. Сеҥышыш 22 номинаций дене 66 еҥ лектын. Козьмодемьянск ола гыч Рада Николаева «Юл эҥер» номинацийыште сеҥышыш лектын. 6 ияш Радан пашажым Российын пӱртӱс министрже Дмитрий Кобылкин шке аклен.
