«Звенигово- Памар» автомобиль корнын ужашыже сентябрьлан ямде лийшаш

«Звенигово- Памар» автомобиль корнын ужашыжым олмыктен, сентябрьыште сдатлышаш улыт. Тиде 24 наре меҥге кужытан корно Звенигово да Волжский районла гоч эрта, Элнет эҥерым вонча да федерал кӱкшытан корно деке лектеш. Корнымбалне Эсмекплак ден Пӧртанур ял- влак верланеныт. Олмыктымо паша калыкле проект кышкарыште шукталтеш. Корнын ныл ужашыжым ачалат. Тудо 14 меҥге наре кужытыш погына. Кажне ужашым ыштен шуктымо шке жапше уло. Кок ужашыжым ыштен шуктымо, вес кокытшо 11-ше да 25-ше сентябрьлан ямде лийшаш улыт. Тыге идалык мучашлан «Звенигово-Памар» корнын 70 процентше норматив марте шукталтшаш. 2023-шо ийыште тиде корнышто пашам умбакыже шуйымо лиеш.