Марий радиомеханический техникум «Образование» калыкле проектын конкурсыштыжо сеҥышыш лектын

Марий радиомеханический техникум «Образование» калыкле проектын конкурсыштыжо сеҥышыш лектын. Тудо 2021-ше ийыште «Самырык профессионал- влак» федерал проект кышкарыште грант семын федерал субсидийым налеш. Конкурсым Российысе просвещений министерстве тунемме тӧнеж- влакын материально- технический базыштым уэмдаш манын эртарен. конкурсын кокымшо йыжыҥыштыже 7 лот дене 479 йодмаш эртен. Марий радиомеханический техникум «Промышленный да инженер технологий- влак» лӱман 5-ше лотышто сеҥышыш лектын. Тиде лотышто 31 туныктымо тӧнеж сай лектышым очныктен. Тыге шушаш ийын техникым федерал бюджет гыч 45 миллион наре теҥге оксам налеш. Республикын бюджетше ныл миллион утла теҥгем ешара, техникым шкенжын кок миллионат пеле теҥгежым уша. Проектым шыҥдарымаш ныл мастерскойым у тунемме, лабораторный, туныктымо да производственный мастерской- влакым пойдараш полша. Тидыже «Самырык профессионал- влак» чемпионатлан площадкым почаш йӧным ышта.