Округ дене таҥастарымаште Марий Элыште черланыше эн шагал
Юл кундем округышто Ковид-19 чер дене черланымаш Республикыштына эн шагал палдырна. Эртыше суткаште 15 еҥын чержым пеҥгыдемдыме. ПФО-што тиде эн изи показатель. Россий мучко ик суткаште вич тӱжемат 300 утла еҥын чержым рашемдыме. 79 еҥ колен. Тушечын 9-ыже - мемнан округышто. Пандемий жапыште Элна мучко 14 тӱжемат 200 утла еҥ илыш дене чеверласен, Марий Элыште- 34. Ик суткаште Россий мучко кум тӱжемат 400 утла еҥ эмлалт лектын, а черым сеҥыше- влакын тичмаш чотышт- 653 тӱжемат 593 еҥ.
