Ял озанлык министерствын пашаеҥже- влак йытыным куштышо- влак деке миеныт
Кодшо арня мучашыште республикысе ял озанлык министрын алмаштышыже Андрей Кондратенко да министерствын пашаеҥже- влак йытыным ончен-куштышо предприятийлаш миеныт. Нуно «Йытын» Оршанкысе агрохолдингын, Советский районысо «Рассвет» ушемын производство участкыштым ончен лектыныт. Предприятийлам вуйлатыше- влак министерствын еҥышт дене пырля йытын отрасльым ончыкыжым вияҥдыме, республикысе бюджет гыч полышым пуымо йодыш-влакым каҥашеныт.
