Мер пашаеҥ- влак Йошкар-Олаште олмыктымо корно-влакын качествыштым да лӱдыкшыдымылыкыштым тергеныт

Тений Йошкар-Олаште «Лӱдыкшыдымӧ да сай качестван автомобиль корно- влак» проект кышкарыште олмыктымо корно-влакын качествыштым да лӱдыкшыдымылыкыштым ОНФ-ын экспертше, «Марийскавтодорын» еҥже да журналист –шамыч тергеныт. Кремль уремым теҥгече эксплатацийыш налме. Лабораторный тергымаш корнын сай качствыжым пеҥгыдемден. Комсомол уремыште йӱр вӱдым йоктарен колтымо лотокым вераҥдат. Игече сай йӧным ышта, сандене паша тичмаш куатын кая. Йошкар Армий ден Пролетар уремлаште корныш асфальт шарыме. Сеҥымаш бульварым «Сеҥымашын уремже- влак» федерал проект почеш ыштыме. Дружба уремаште пашам шукерте огыл гына тӱналме. Тушто асфальт шартышын ӱмбалжым пӱчкын налме, борюр кӱ- влакым вераҥдат. ОНФ-ын экспертше- влак пашам сай качестве дене шуктымым палемденыт, проект шотышто ола администраций деке изирак замечаний-влакым ойленыт. А тичмаш налмаште паша график почеш шукталтеш. Тений олмыктымо корнын ужашыже 9 меҥгыш погына. Кум организаций пашам ышта. Тиде «Марий Эл Дорстрой», «Автодор», «Город» МУП. Ӱмаште 10 утла меҥге кужытым ачалыме ыле.