Тений республикыште 50 меҥге кужыт федерал корным олмыкташ палемдыме

                   Тений республике кундемыште 50 меҥге кужыт федерал автомобиль корным олмыкташ палемдыме. Кодшо ийын 30 меҥгым ачалыме ыле. Тӱҥ пашаже «Вятка» да «Йошкар-Ола- Зеленодольск» трассылан логалын. «Вятка» корнын сутка мучко 30 тӱжем машинан кудал эртыме 13 меҥге кужытшым уэмдыме, Киров область дене чек воктелсе вич меҥге кужытшым капитально олмыктымо, Клюкино ял воктене манина чарныме верым чоҥымо, Медведево район кундемыште 8 меҥге кужытым пеҥгыдемдыме. Йошкар-Ола-Зеленодольск корнышто кум ужашыште чылаже 17 меҥге кужытышто ӱмбал ужышым вашталтыме. Тиде- Куяр посёлкым йыр савырнен кайыме, Корта ял воктене да Кожласола ден Красногрский воктене паша ышталтын. Корно лӱдыкшыдымылыкланат тӱткышым ойырымо. Оршанке, Медведево, Звенигово районлаште корно ужашлаште ешарен кум меҥгат пеле кужыт барьер саварым, икмыняр ял воктене светофорым вераҥдыме, Тений «Волго- Вятскуправтодор» 50 меҥге кужыт федерал корным олмыкташ палемден. Капитально олмыктымо ужашлаште корно ныл полоса марте кумдаҥеш.