Тулык йоча- влаклан чоҥымо пӧртыш газым пуртымо
«Газпром газораспределение Йошкар-Ола» компаний тулык йоча- влаклан чоҥымо пӧртыш газым пуртен. Компанийын специалистше- влак Медведево районысо Шойбулак посёлкышто газораспределений сетьыш шуко пачеран пӧртым ушымо шотышто пашам мучашленыт. Шукерте огыл тиде пӧртыштӧ 36 пачерым тулык да ача-аван полышыж деч посна кодшо йоча- влаклан пуымо ыле. Пӧртыш газым пуртымо паша кышкарыште кӱкшӧ да изи куатан 165 метр кужыт газпучым шупшмо, газораспределений пунктым ыштыме, пачер- влакым пуч деке ушымо, пачерыште газ оборудованийым шындыме.
