«Марий Эл» Ий полатыште самырык хоккеист- влакын Россий кӱкшытан таҥасымашышт лиеш
«Марий Эл» Ий полатыште 20-шо-22-шо январьыште самырык хоккеист- влакын Россий кӱкшытан «Шӧртньӧ шайба» Анатолий Тарасов лӱмеш таҥасымашын регионысо йыжыҥже эрта. Таҥасымаш ийгот шот дене кум тӱшка коклаште лиеш: 10-11 ияш, 12-13 да 14-15 ияш- влак коклаште. Ӱчашымашке Звенигово, Марий Турек. Параньга, Волжский, Килемар, Морко, Шернур районла, Йошкар-Ола да Волжскын командыже- влак ушнат. Изирак тӱшкаште сеҥыше- влак таҥасымашын финалышкыже мартыште Астрахань олаш каят. Кыдылаш тӱшка гыч март мучаш-апрель тӱҥалтышыште Угарман олаште модыт, кугурак ийготан тӱшка гыч сеҥыше- влак финалыш мартыште Смоленскыш каят.
