Шереметевын Замокшым рӱдӧ система ырыкташ тӱҥалеш

                   Республикым вуйлатышын кӱштымыж почеш Шереметевын Замокшым рӱдӧ система ырыкташ тӱҥалеш. Рӱдӧ теплосеть деке ушымаш Шереметев замкын унагудыштыжо илыме йӧным саемдаш полша. Лектышыже кызытак коеш. У ийын икымше кечылаштыже гына турист- влак кодшо ийысе пӱтынь январь дене таҥастарымаште кок пачаш шукырак толыныт. Пытартыш кок ийыште замкыште олмыктымо паша чолган шукталтын. Тиде пашалан шым миллионат 500 тӱжем теҥгем кучылтмо. А кодшо ийын эшеат шукырак пашам ыштыме да 20 миллион теҥгем кучылтмо. Юрино районыш паша дене мийыме кышкарыште республикым вуйлатыше Александр Евстифеев замокым ончен лектын да шуктымо пашам аклен. Тыгак тудо  замокым умбакыже олмыктымо план нергенат ойлен. Шокшым пуртымо, леведышым, витраж, окна блоклам олмыкташ кӱлеш, вара кӧргысӧ пашамат шукташ лиеш. Замок турист-влакын кумылыштым савырыше объект. Сандене оксам тӱрлӧ велымат кычалына,- манын тудо.