Шернурышто ече дене Чемпионат ден Первенстве лийын

                Шернурышто ече дене Чемпионат ден Первенстве эртаралтын. Таҥасымашке 250 утла спортсмен ушнен. Посёлкысо Сеҥымашлан 20 ий темме лӱмеш паркыште тӱнямбал классан спорт мастер Валерий Исаев да районысо спорт мастер- влакым шарныме лӱмеш чемпионат ден первенстве эртен. Таҥасымаш Шернур районлан 100 ий теммылан пӧлеклалтын. Таҥасыше- влакым Марий Эл Правительстве председательын алмаштышыже Степан Воронцов, район администрацийым вуйлатыше Александр Кугергин, спорт ивктемым вуйлатыше Вера Пронина саламленыт. Чемпионатын лектышыже почеш сеҥышыш  пӧръеҥ да юниор- влак коклаште Шернур гыч Сергей Максимов,  Ӱдырамаш да юниорка- влак коклаште «Виктория» олимпий резерв школ гыч Юлия Подыганова лектыныт. А Республикын Первенствыжын лектышыже почеш  Морко гыч Тигран Арутюнян, Красногорск гыч Елена Якимова, Юбилейный гыч Дмитрий Маличенко ден Виктория Москвина, Памар гыч Никита Ворончихин ден Диана Журавлёва лектыныт.