«Телымсе чолгалыкыш» ушнаш ӱжыт

                    Оласе калыкым «Телымсе чолгалык» вуча. Сеҥымаш паркыште Ленин лӱмеш тӱвыра полатын коллективше «Телымсе чолгалык» проектым эртара. Тӱрлӧ ийготан еҥ- влаклан каныме, спорт мероприятий- влак кокымшо тылзе эртаралтыт. Нуно Йошкар-Ола администрацийын полшымыж дене ямдылалтыт. Кодшо каныш кечылаште скандинав коштмаш дене занятий, эрвел да индий куштымаш дене мастер- класс- влак лийыныт. Кумылан- влак тӱжвалне волейбол дене модыныт, фитнес- тренировкышто, спорт занятийлаште лийыныт, самырык фигурист- влакын мунчалтымыштым онченыт, тӱрлӧ модмашке ушненыт, кугу экраныште кином онченыт.